لاہور(خصوصی رپورٹر) واسا نے نادہندہ پرائیویٹ ہاؤسنگ سوسائٹیز کے خلاف آپریشن کافیصلہ کرنے کا فیصلہ کر لیا، تمام سوسائٹیز سے سیوریج و انفراسٹرکچر چارجز ہر صورت ترجیحی بنیادوں پر وصول کیے جائیں گے،تمام نجی و کوآپریٹو ہاؤسنگ سوسائٹیز کا مکمل ڈیٹاطلب کرلیا ۔ ایم ڈی واسا غفران احمد کی زیر صدارت اجلاس ہوا،جس میں ایڈمن،فنانس، پی ایچ ایس، لیگل ،ریونیو اور آپریشن ونگ کے ڈائریکٹرز،ڈپٹی ڈائریکٹرز سمیت دیگر افسر شریک ہوئے ۔ واجبات ادا نہ کرنے والی ہاؤسنگ سوسائٹیز کے سیوریج کنکشن منقطع کرنے کے احکامات جاری کر دیے گئے۔ ایم ڈی نے کہا کہ تمام سوسائٹیز سے سیوریج و انفراسٹرکچر چارجز ترجیحی بنیادوں پر وصول کیے جائیں گے ۔ نے واسا سے منسلک تمام نجی و کوآپریٹو ہاؤسنگ سوسائٹیز کی مکمل رپورٹ طلب کرتے ہوئے کہا کہ بلنگ کولیکشن میں کسی بھی قسم کی بے ضابطگی ہرگز قبول نہیں کی جائے گی ۔ ۔ایم ڈی نے اجلاس میں ایک سال کا ڈیسلٹنگ شیڈول تیار کرنے کی ہدایات جاری کیں۔