فرمان الہی
نماز کے اوقات
لاہور(خالدمحمودخالد)پاکستان، بھارت اور امریکہ کے صحافیوں کی ایک کانفرنس 5ستمبر سے نیپال کے دارالحکومت کٹھمنڈو میں شروع ہورہی ہے ۔امریکہ میں قائم مشرقی اور مغربی صحافیوں کی ترویج اور پروموشن کی تنظیم ایسٹ ویسٹ سنٹر کے زیر انتظام 7روزہ کانفرنس میں کراس بارڈر رپورٹنگ کے حوالے سے پاکستان، بھارت، سری لنکا اور امرکہ کے صحافیوں کی بڑی تعداد اس کانفرنس میں شرکت کرے گی۔ پاکستان بھر سے 32، بھارت سے 27، سری لنکا سے ایک اور امریکہ سے 7 صحافی 4 ستمبر کو کٹھمنڈو پہنچ رہے ہیں۔ پاکستان اور بھارت کے درمیان کشیدگی کے ماحول میں امریکی تنظیم کی دونوں ملکوں کے صحافیوں کی بڑی تعداد کو اکٹھا کرنا اس وقت کی اہم ضرورت قرار دی جارہی ہے۔ کانفرنس میں دونوں ملکوں کے غیر سیاسی معاملات پر کثیر تعداد میں مقالے پڑھے جائیں گے۔
