• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کانیے ویسٹ بچوں کے اخراجات کیلئے کارڈیشین کو ہر ماہ دو لاکھ ڈالر دیں گے

تازہ ترین
انٹرٹینمنٹ
30 نومبر ، 2022
کانیے ویسٹ بچوں کے اخراجات کیلئے کارڈیشین کو ہر ماہ دو لاکھ ڈالر دیں گے

امریکی ریپر کانیے ویسٹ اور اداکارہ کم کارڈیشین کے درمیان طلاق کے بعد بچوں کی کسٹڈی اور اخراجات سے متعلق تصفیہ ہوگیا۔

غیرملکی میگزین کے مطابق معاہدے کے تحت کانیے ویسٹ ماہانہ بنیادوں پر کم کارڈیشین کو 2 لاکھ ڈالر دینے کے پابند ہیں، یہ رقم وہ ہر ماہ کی پہلی تاریخ کو کارڈیشین کے اکاؤنٹ میں جمع کروائیں گے۔

یہ رقم بچوں کے اخراجات کی مد میں دی جائے گی، ان کے چار بچے ہیں، جو کانیے اور کارڈیشین کی مشترکہ کسٹڈی میں رہیں گے۔

گلوکار اور اداکارہ کے درمیان باہمی تصفیے کے تحت کانیے ویسٹ بچوں کے علاج معالجے، تعلیم اور سیکیورٹی پر اٹھنے والے اخراجات کا نصف حصہ ادا کرنے کے پابندی ہوں گے۔

یاد رہے کہ کم کارڈیشین نے کانیے سے طلاق کے لیے پچھلے برس فروری میں درخواست دی تھی۔

دونوں کی شادی کی پرتعیش تقریب 2014ء میں اٹلی میں ہوئی تھی۔

انٹرٹینمنٹ سے مزید