آرمی چیف جنرل عاصم منیر نے کوئٹہ اور تربت کا دورہ

آرمی چیف جنرل عاصم منیر نے کہا ہے کہ بلوچستان میں امن اور سازگار ماحول پیدا کرنے کے لئے ہر ممکن کوشش کی جائے گی۔

آئی ایس پی آر کے مطابق آرمی چیف جنرل عاصم منیر نے کوئٹہ اور تربت کا دورہ کیا۔

جنرل عاصم منیر نے کہا کہ بلوچستان میں پائیدار امن کے لئے سماجی و اقتصادی ترقی کو یقینی بنایا جائے گا۔

آئی جی ایف سی نے بَرّی فوج کے سربراہ کو بلوچستان میں سیکیورٹی کے امور پر بریفنگ دی۔

سپہ سالار نے کمانڈ اینڈ اسٹاف کالج کوئٹہ اور اسکول آف انفنٹری کا بھی دورہ کیا اور جوانوں، افسران سمیت انسٹرکٹرز سے بات چیت کی۔

آئی ایس پی آر کے مطابق چیف آف آرمی اسٹاف کو آپریشنل، تربیتی اور فارمیشن سے متعلق دیگر امور پر بریفنگ دی گئی۔

آرمی چیف نے میدان جنگ کے چیلنجز سے نمٹنے کے لئے پیشہ ورانہ مہارت پر توجہ مرکوز رکھنے کی ہدایت دی۔

جنرل عاصم منیر نے کور ہیڈکوارٹرز میں یادگار شہدا پر فاتحہ خوانی کی اور پھولوں کی چادر چڑھائی۔

کوئٹہ آمد پر آرمی چیف کا استقبال کمانڈر سدرن کمانڈ لیفٹیننٹ جنرل آصف غفور نے کیا۔