ترک بحریہ کے جہاز برگازادہ کی کراچی بندرگاہ آمد

ترک بحریہ کا جہاز برگازادہ کراچی بندرگاہ پہنچ گیا جہاں پاک بحریہ کے حکام اور ترکیہ کے سفارتی عملے نے جہاز کا استقبال کیا۔

ترجمان پاک بحریہ کے مطابق بحری جہاز کے دورے کا مقصد دونوں بحری افواج کے مابین پیشہ ورانہ تعلقات کا فروغ ہے۔

پاک بحریہ کے ترجمان کا مزید کہنا ہے کہ دورے کے اختتام پر دونوں بحری افواج کے مابین مشترکہ مشقوں کا انعقاد بھی کیا جائے گا۔

ترجمان کے مطابق دورے سے خطے میں قیامِ امن کی مشترکہ کاوشوں کو مزید فروغ حاصل ہو گا۔