سپریم کورٹ کا 10 کے بجائے 4 فیصد سپر ٹیکس جمع کرانے کا حکم

سپریم کورٹ آف پاکستان کی جانب سے سپر ٹیکس کیسز میں وفاقی حکومت اور ایف بی آر کو ریلیف مل گیا۔

عدالتِ عظمیٰ کے چیف جسٹس عمر عطاءبندیال کی سربراہی میں 3 رکنی بینچ نے سپر ٹیکس سے متعلق کیس کی سماعت کرتے ہوئے فیصلہ سنایا ہے۔

سپریم کورٹ نے تمام فریقین کو 10 فیصد کے بجائے 4 فیصد سپر ٹیکس ادا کرنے کا حکم دے دیا۔

سندھ ہائی کورٹ کے فیصلے کے خلاف وفاقی حکومت اورایف بی آر کی اپیلوں پر سپریم کورٹ نے حکم جاری کیا ہے۔

واضح رہے کہ مختلف انڈسٹریز نے گزشتہ سال بجٹ میں عائد سپر ٹیکس کو چیلنج کیا تھا۔

سپر ٹیکس کے تمام مقدمات یکجا کر کے اگلے ہفتے مقرر کرنے کا حکم

چیف جسٹس پاکستان نے ریمارکس میں کہا کہ اگلے ہفتے اس کیس کو مقرر کر دیتے ہیں، ایف بی آر سپر ٹیکس کیس میں اچھی نیت سے آیا ہے۔

سندھ ہائی کورٹ نے گزشتہ سال سے 10 فیصد سپر ٹیکس کی وصولی کو کالعدم قرار دیا تھا۔

جس پر وفاقی حکومت اور ایف بی آر نے سپر ٹیکس کی وصولی کے لیے سپریم کورٹ میں اپیل دائر کی تھی۔