بھارت: بجلی کا بحران، لوگ پیسے دے کر موبائل چارج کروانے پر مجبور

19 مارچ ، 2023

بھارت میں بجلی کی بندش کے باعث دیہاتوں میں رہنے والوں کو سخت پریشانی کا سامنا ہے اور وہ اپنے موبائل فون اور واٹر پمپنگ چارج کروانے کے لیے رقم دینے پر مجبور ہیں۔

بھارتی میڈیا رپورٹس کے مطابق شمالی ریاست اتر پردیش کے شہر گورکھ پور میں بجلی منقطع ہونے کا سلسلہ کافی دراز ہوگیا ہے اور ضلع کے قریبی دیہاتوں میں نجی طور پر کام کرنے والے ان دیہاتیوں سے موبائل فون بیٹری چارج کرنے کے 10 روپے اور پانی کے پمپنگ کرنے والے پورٹیبل جنریٹرز کی چارجنگ کے 50 روپے لیتے ہیں۔

بیلو نامی ایک دیہات میں ہفتے کی شام لوگ اس کام کے لیے لائن میں لگے اپنی باری کا انتظار کرتے نظر آئے تاکہ اپنی موبائل بیٹریز اور واٹر پمپس کو چارج کرواسکیں۔

لائن میں لگے دھرمیندرا گپتا اور پراشانت شکلا کا کہنا تھا کہ ان کے گاؤں میں جمعہ کی درمیانی شب سے بجلی کی سپلائی منقطع ہے جس کی وجہ سے لوگ دکانوں پر چارجنگ کےلیے پہنچے ہیں۔

بین الاقوامی خبریں سے مزید