• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

محمد خان بھٹی کی ویڈیو سپریم جوڈیشل کونسل کے ریکارڈ کا حصہ بنانے کی درخواست

تازہ ترین
قومی خبریں
22 مارچ ، 2023
—فائل فوٹو
—فائل فوٹو

سابق وزیرِ اعلیٰ پنجاب پرویز الہٰی کے دور میں سیکریٹری پنجاب اسمبلی کے عہدے پر فائز محمد خان بھٹی کی ویڈیو سپریم جوڈیشل کونسل کے ریکارڈ کا حصہ بنانے کے لیے سپریم کورٹ میں درخواست دائر کر دی گئی۔

میاں داود ایڈووکیٹ نے سپریم جوڈیشل کونسل کو متفرق درخواست ارسال کر دی۔

متفرق درخواست کے ساتھ محمد خان بھٹی کی گفتگو کا ٹرانسکرپٹ بھی منسلک ہے۔

حکومت بذریعہ نامعلوم افراد اپنی مرضی کے بیان لے رہی ہے، پرویز الہٰی

سابق وزیرِ اعلیٰ پنجاب چوہدری پرویز الہٰی نے سابق پرنسپل سیکریٹری محمد خان بھٹی سے متعلق لیے گئے بیان پر تبصرہ کر دیا۔

متفرق درخواست کی کاپی سپریم جوڈیشل کونسل کے باقی تمام ممبران کو بھی ارسال کی گئی ہے۔

درخواست میں مؤقف اپنایا گیا ہے کہ محمد خان بھٹی کی عدالتی مقدمات کی مینجمنٹ سے متعلق ویڈیو وائرل ہوئی، جس کے متن کا سپریم جوڈیشل کونسل میں زیر التوا ریفرنس سے براہ راست تعلق ہے۔

واضح رہے کہ گزشتہ روز محمد خان بھٹی کی ایک ویڈیو سامنے آئی تھی۔

محمد خان بھٹی کا عدالتی شخصیات پر پی ٹی آئی کی حمایت کا الزام، ویڈیو بیان آگیا

سابق وزیر اعلیٰ پنجاب پرویز الہٰی کے دور میں سیکریٹری پنجاب اسمبلی کےعہدے پر فائز محمد خان بھٹی کی ایک ویڈیو سامنے آئی ہے۔

ویڈیو میں محمد خان بھٹی بعض اہم عدالتی شخصیات پر پی ٹی آئی کی حمایت کا الزام لگا رہے ہیں۔

محمد خان بھٹی نے کہا تھا کہ ایک عدالتی شخصیت کے 2 بیٹے ٹکا کر کرپشن کر رہے ہیں، خود پی ٹی آئی اور چوہدری پرویز الہٰی نے کہا کہ یہ عدالتوں سے فیصلے ہمارے حق میں کراتے ہیں، اِن کا کوئی کام رکنا نہیں چاہیے۔

قومی خبریں سے مزید