فرمان الہی
نماز کے اوقات
برطانوی فلم ساز جمائما گولڈ اسمتھ برطانیہ میں اپنے سابقہ شوہر، چیئرمین پی ٹی آئی عمران خان کی شہرت پر خوش ہیں، انہوں نے سوشل میڈیا پر تصاویر بھی شیئر کر دیں۔
جمائما گولڈ اسمتھ نے مائیکرو بلاگنگ ویب سائٹ ٹوئٹر پر برطانیہ کے M25 موٹر وے سے اپنی گاڑی کے آگے سے گزرتے ہوئے ایک ٹرک کی کچھ تصاویر شیئر کی ہیں۔
ان تصاویر میں جو ٹرک نظر آ رہا ہے اس کے پیچھے عمران خان کی تصویر لگی ہوئی ہے جس کے اوپر قرآن مجید کی یہ آیت بھی لکھی ہوئی پڑھی جاسکتی ہے؛
اِیَّاكَ نَعْبُدُ وَ اِیَّاكَ نَسْتَعِیْنُ
ترجمہ: ہم تیری ہی عبادت کرتے ہیں اور تجھ ہی سے مدد چاہتے ہیں ۔
اُنہوں نے اپنے ٹوئٹ میں خوشی کا اظہار کرتے ہوئے لکھا ہے کہ ’میں نے یہ منظر ابھی برطانیہ میں M25 موٹروے پر دیکھا‘۔
صحافی احتشام الحق نے جمائما گولڈ اسمتھ کے اس ٹوئٹ پر اپنے ردِعمل کا اظہار کرتے ہوئے برطانیہ کے M6 موٹر وے سے اسی ٹرک کی اپنی گاڑی کے آگے سے گزرتے ہوئے تصویر شیئر کی ہے۔
اُنہوں نے تصویر کے بارے میں لکھا ہے کہ ’مجھے یہ ٹرک 2 ہفتے قبل M6 موٹر وے پر نظر آیا تھا‘۔
اُنہوں نے مزید لکھا ہے کہ ’یہ قاسم اور سلیمان کے لیے ایک فخریہ لمحہ ہے‘۔
جمائما گولڈ اسمتھ نے بھی پاکستانی صحافی کے ان خیالات سے اظہارِ اتفاق کیا۔
دیگر پاکستانی ٹوئٹر صارفین بھی جمائما کے اس ٹوئٹ پر دلچسپ تبصرے کرتے نظر آ رہے ہیں۔
