فرضی حج اسکیموں سے ہوشیار رہیں‘ سعودی عرب کا انتباہ

مکہ مکرمہ (اے پی پی)سعودی وزارت حج وعمرہ نے خبردار کیا ہے کہ فرضی حج اسکیموں سے ہوشیار رہیں۔ سعودی خبررساں ادارے کے مطابق وزارت حج وعمرہ کی جانب سے جاری بیان میں کہا گیا ہے کہ داخلی عازمین حج کی رجسٹریشن کے لیے وزارت کی ویب سائٹ اور نسک ایپ پرسہولت فراہم کی گئی ہے تاہم عازمین فرضی حج اسکیموں سے ہوشیار رہیں۔ وزارت کا کہنا ہے کہ یورپ، امریکا اورآسٹریلیا سے آنے والے عازمین کی رجسٹریشن کے لیے خصوصی طورپر’نسک حج ‘ ایپ پر سہولت فراہم کی گئی ہے۔