پرویز الہٰی کے صاحبزادے کا ایف آئی اے رپورٹ پر ردعمل

سابق وزیراعلیٰ پنجاب چوہدری پرویز الہٰی کے صاحبزادے راسخ الہٰی نے وفاقی تحقیقاتی ادارے (ایف آئی اے) کی رپورٹ پر ردعمل دے دیا۔

لاہور سے جاری بیان میں راسخ الہٰی نے کہا کہ ایف آئی اے پرانے الزامات دہرا رہی ہے، یہ کیس ہائی کورٹ میں پہلے ہی ختم ہوچکا ہے۔

انہوں نے کہا کہ یہ سارا کیس جھوٹا ہے اور سیاسی انتقام کے طور پر دوبارہ بنایا گیا ہے، اس کیس میں حقائق کو توڑ مروڑ کر بیان کیا گیا ہے۔

پرویز الہٰی کے صاحبزادے نے مزید کہا کہ اس معاملے پر سارے جواب شواہد کے ساتھ پہلے ہی جمع کرا دیے گئے تھے۔