فرمان الہی
نماز کے اوقات
پاکستان شوبز انڈسٹری کے مایاناز اداکار نعمان اعجاز کی اداکاری کے چرچے پڑوسی ملک بھارت میں بھی ہونے لگے۔
فوٹو اینڈ ویڈیو شیئرنگ پلیٹ فارم انسٹاگرام پر بھارت کے معروف اداکار ایمی ورک نے مشہور زمانہ ڈرامہ سیریل ’پری زاد‘ کے ایک منظر کی ویڈیو کلپ انسٹا اسٹوری میں شیئر کی۔
مذکورہ ویڈیو کلپ میں اداکار نعمان اعجاز اپنی محبت کا جواب بے وفائی سے ملنے پر جذباتی ہوکر روتے ہوئے دکھائی دیئے تھے۔
انسٹا اسٹوری کے کیپشن میں بھارتی اداکار نے نعمان اعجاز کی اداکاری کی تعریف کرتے ہوئے لکھا کہ نعمان اعجاز صاحب، عظیم اداکاروں میں سے ایک ہیں، ساتھ ہی انہوں نے نعمان اعجاز کو بھی ٹیگ کیا۔
خیال رہے کہ ڈرامہ سیریل پری زاد میں اداکار نعمان اعجاز کے ساتھ ساتھ مرکزی کردار نبھانے والے احمد علی اکبر کی اداکاری کو بھی بےحد پسند کیا گیا تھا تاہم اداکار نعمان اعجاز نے اپنے مختصر کردار کے باوجود اپنی جاندار اداکاری سے اس ڈرامہ سیریل کی کامیابی میں اپنی چھاپ چھوڑی۔
