فرمان الہی
نماز کے اوقات
کراچی (اسٹاف رپورٹر) نیو کراچی ڈی کاموڑ کےقریب ڈکیتی کی واردات کے دوران مزاحمت پرڈاکوؤں نے فائرنگ کر کے ٹیکسی ڈرائیور کو قتل کردیا جبکہ ٹیکسی میں سوار مسافر محفوظ رہے۔ پولیس کے مطابق ہفتہ کی علی الصبح بلال کالونی تھانے کی حدود میں موٹرسائیکل سوارنامعلوم مسلح ملزمان کی فائرنگ سے ٹیکسی ڈرائیور 45 سالہ ممتاز ولد اسحاق سر پر گولی لگنے سے شدید زخمی ہوگیا، جو دوران علاج دم توڑ گیا۔مقتول ٹیکسی ڈرائیور ائیرپورٹ گرین ٹاؤن کا رہائشی تھا۔ مقتول تین بچوں کا باپ تھا۔قائد آباد تھانے کی حدود شیر پاؤ کالونی ایف ون ایریا عثمانیہ اسکول کے قریب واقع دودھ کی دکان کے سامنے موٹر سائیکل سوار ملزمان نے فائرنگ کردی جس کے نتیجے میں وہاں موجود ایک شخص جاں بحق ہوگیااورملزمان موقع سے فرار ہوئے۔ ایس ایچ او اشرف جان کے مطابق مقتول کی شناخت 35 سالہ وسیم ولد لطیف خان کے نام سے ہوئی ۔ مقتول کا آبائی تعلق دیر سے تھا اور اس نے 6سال قبل بھاگ کر پسند کی شادی کی تھی۔انہوں نے بتایا کہ مقتول کے گھر والوں نے شبہ ظاہر کیا ہے کہ پسند کی شادی کے باعث اسکے رشتے داروں نے اسکا قتل کیا ہے۔مقتول ایک بچے کا باپ تھا ۔
