فرمان الہی
نماز کے اوقات
بختاور بھٹو زرداری کے بعد آصفہ بھٹو زرداری نے بھی بہن کے نقشِ قدم پر چلتے ہوئے ٹک ٹاک پر انٹری دے دی۔
شہید محترمہ بے نظیر بھٹو کا عکس ان کی سب سے چھوٹی صاحبزادی آصفہ بھٹو زرداری نے سوشل میڈیا پلیٹ فارم ایکس (سابق ٹوئٹر) پر اس حوالے سے پوسٹ شیئر کی اور فالوورز کو اپنے نئے ٹک ٹاک اکاؤنٹ کو فالو کرنے کا کہا اور ساتھ ہی لکھا کہ ’بلآخر ٹک ٹاک جوائن کرلیا‘۔
مختصر دورانیے کی ویڈیو شیئرنگ پلیٹ فارم ٹک ٹاک پر آصفہ بھٹو زرداری نے 20 سیکنڈ کی ایک ویڈیو بھی شیئر کی ہے جس کے آغاز میں لکھا ہوا ہے کہ ’ترقی و خوشحالی کا پیغام لئے چیئرمین بلاول بھٹو زرداری کے ساتھ شاملِ کاروان ہیں بی بی آصفہ بھٹو زرداری‘۔
مذکورہ ویڈیو کے کیپشن میں انہوں نے شہید ذوالفقار علی بھٹو کا ایک قول بھی شیئر کیا ہے کہ ’سیاست کی جنت عوام کے قدموں تلے ہے‘۔
گزشتہ 24 گھنٹوں کے دوران آصفہ بھٹو کے 822 چاہنے والوں نے انہیں ٹک ٹاک پر فالو کرلیا ہے جبکہ ہر گزرتے لمحے ان کے فالوروز کی رتعداد میں اضافہ ہو رہا ہے۔
ان کی شیئر کی گئی پہلی ویڈیو کو اب تک تقریباً ساڑھے چار سو بار دیکھا اور 186 بار لائک کیا جاچکا ہے۔
