فرمان الہی
نماز کے اوقات
سیکیورٹی فورسز نے کاٹلنگ مردان میں خفیہ اطلاع پر آپریشن کرتے ہوئے ہائی ویلیو ٹارگٹ دہشت گرد رنگ لیڈر فیصل کو ہلاک کردیا۔
آئی ایس پی آر کے مطابق فیصل دہشت گردی کی متعدد کارروائیوں میں ملوث اور قانون نافذ کرنے والے اداروں کو انتہائی مطلوب تھا۔
مارے گئے دہشت گرد کے قبضے سے اسلحہ و گولہ بارود بھی برآمد کیا گیا۔
دوسری طرف کرم کے علاقے پاراچنار میں سیکیورٹی فورسز کا دہشت گردوں کے ساتھ ایک اور مقابلہ ہوا۔
سیکیورٹی فورسز نے دہشت گردوں کے ٹھکانے کا موثر انداز میں پتا لگایا، لانس نائیک غیرت خان دہشت گردوں کے خلاف بہادری سے لڑتے ہوئے شہید ہوگئے۔
پاک فوج کے شعبہ تعلقات عامہ کے مطابق دہشت گردوں اور سیکیورٹی فورسز کے درمیان مقابلہ 28 اور 29 ستمبر کی رات ہوا۔
آئی ایس پی آر نے مزید کہا کہ سیکیورٹی فورسز ملک سے دہشت گردی کے خاتمے کے لیے پُرعزم ہیں، بہادر جوانوں کی ایسی قربانیاں ہمارے عزم کو مزید مضبوط کرتی ہیں۔
