فرمان الہی
نماز کے اوقات
کراچی(اسٹاف رپورٹر) کراچی پولیس کی گزشتہ ایک ہفتے کے دوران کارروائیاں، کراچی پولیس اور ملزمان کے مابین گذشتہ ہفتے 31 مبینہ مقابلے ہوئے جس کے دوران 4 ڈاکوؤں کو ہلاک جبکہ 38 زخمی ڈاکوؤں سمیت 45 ملزمان کو رنگے ہاتھوں گرفتار کیا گیا،ترجمان کراچی پولیس کے اعلامیے کے مطابق پولیس نے گذشتہ ہفتے کے دوران 1694 سے زائد ملزمان کو گرفتار کیا،منشیات فروشی میں ملوث ملزمان سے لاکھوں روپے مالیت کی منشیات ، گرفتار اسٹریٹ کرمنلز سے 148 مختلف اقسام کا غیر قانونی اسلحہ برآمد، مجموعی طور پر 64 موٹرسائیکلیں اور 5گاڑیاں تحویل میں لی گئیں،گرفتار ملزمان کیخلاف مقدمات درج کرکے تفتیش جاری ہے،علاوہ ازیں مددگار 15 پولیس نے گزشتہ ایک ہفتے کے دوران 8 اکتوبر سے 14 اکتوبر مختلف جرائم میں ملوث 8 ملزمان کو گرفتار کرکے ملزمان سے 2 غیر قانونی پسٹلز، 2 موٹر سائیکلز، موبائل فونز اور دیگر اشیاء برآمد کیں۔
