فرمان الہی
نماز کے اوقات
ریاض (شاہدنعیم) سعودی قطری رابطہ کونسل کے منگل کو دوحہ میں ہونے والے اجلاس کے موقع پر دونوں ملکوں کے درمیان متعدد معاہدوں اور مفاہمتی یادداشتوں پر دستخط کیے گئے ہیں۔ سعودی قطری رابطہ کونسل کے اجلاس کی صدارت ولی عہد شہزادہ محمد بن سلمان اور امیرقطر شیخ تمیم بن حمد آل ثانی نے مشترکہ طور پر کی۔ امیر قطر نے اجلاس کا آغاز سعودی ولی عہد کے حق میں خیر مقدمی کلمات سے کیا جس پر شہزادہ محمد بن سلمان نے امیر قطر کا شکریہ ادا کیا۔ اجلاس کے شرکا نے دونوں برادر ملکوں کے تعلقات کی مختلف شکلوں اور دوطرفہ تعاون کو فروغ دینے کے طریقوں کا جائزہ لیا۔ علاقائی و بین الاقوامی حالات اور ان سے متعلق کی جانے والی کوششوں پر بھی بات چیت کی گئی۔
