کراچی (اسٹاف رپورٹر) شہرمیں بچوں کے اغوا اور پر سرارطور پر لاپتہ ہونے کے واقعات میں خطرناک اضافہ،سال 2023میں دیگر جرائم کی طرح بچوں کے اغوا اور لاپتہ ہونے کے واقعات میں بھی اضافہ رہا ،اب تک 250سے زائد بچوں کا کوئی سراغ نہیں مل سکا۔ ذرائع کے مطابق رواں سال کے 11ماہ کے دوران ایک ہزار 255بچے لاپتہ ہوئے،لاپتہ بچوں میں 950سے زائد بچے مل چکے ہیں جبکہ 250سے زائد بچوں اور بچیوں کے والدین اب بھی اپنے جگر گوشوں کو تلاش کررہے ہیں ،فلاحی ادارے کے سربراہ محمد علی کے مطابق نومولود سے پانچ سال کی عمر کے 15بچے مبینہ طور پر اغوا ہوئے،چھ سے 10سال کی عمر کے اغوا ہونے والے بچوں کی تعداد 34 رہی، 11سے 15سال کی عمر کے 108بچوں کے لاپتہ ہونے کے واقعات رپورٹ ہوئے،لاپتہ بچوں میں 200بچے اور 50 سے زائد بچیاں شامل ہیں، ماہ ستمبر میں سب سے زیادہ 165بچے اغوا اور لاپتہ ہوئے، بچوں کے لاپتہ ہونے کے سب سے ذیادہ واقعات ضلع شرقی سے رپورٹ ہوئے،سال 2023کے پہلے ماہ جنوری میں 98، فروری میں 112، مارچ میں 85 بچے گم ہوئے ، اپریل میں 48،مئی میں 91،جون میں 132اور جولائی میں 122بچے لاپتہ ہوئے، اگست میں 164، ستمبر میں 165،اکتوبر میں 130 اور نومبر میں 100سے زائد بچے کے اغوا اور لاپتہ ہوئے۔
فرمان الہی
نماز کے اوقات
