فرمان الہی
نماز کے اوقات
پاکستان مسلم لیگ (ن) کے صدر شہباز شریف کا کہنا ہے کہ عدالت نے تحریکِ انصاف کی جمہوریت اور آئین کے خلاف سازش ناکام بنا دی۔
سپریم کورٹ کے فیصلے کا خیر مقدم کرتے ہوئے شہباز شریف نے کہا کہ انتخابات 8 فروری کو یقینی بنانے کا فیصلہ ملک میں جمہوریت اور آئین کی حفاظت کے لیے سنگِ میل کی حیثیت رکھتا ہے۔
رہنما مسلم لیگ (ن) نے کہا کہ سپریم کورٹ نے تحریک انصاف کی جمہوریت اور آئین کے خلاف سازش ناکام بنا دی، تحریک انصاف کی انتخابات سے راہ فرار اختیار کرنے کی کوشش ناکام ہو گئی ہے۔
شہباز شریف نے یہ بھی کہا کہ واضح ہو گیا کہ تحریک انصاف الیکشن سے بھاگ رہی تھی۔
