فرمان الہی
نماز کے اوقات
مسلم لیگ (ن) کی چیف آرگنائزر اور نائب صدر مریم نواز نے استفسار کیا ہے کہ کیا خدمت میں ن لیگ کی ٹکر کا کوئی ہے؟
فیصل آباد میں انتخابی جلسے سے خطاب میں مریم نواز نے کہا کہ جتنا جذبہ آج فیصل آباد میں دیکھا، کہیں نہیں دیکھا، ن لیگ مقابلہ خدمت سے کرتی ہے۔
انہوں نے کہا کہ رانا ثناء اللّٰہ کا نام لیں تو پورا مجمع گونج اٹھتا ہے، اس ن لیگی رہنما پر پی ٹی آئی حکومت میں منشیات کا جھوٹا مقدمہ بنایا گیا۔
ن لیگی رہنما نے مزید کہا کہ فیصل آباد نے رانا ثنا اللّٰہ کا نام حکیم رانا ثنا اللّٰہ رکھا تھا، انہوں نے ایسا علاج کیا کہ نہ بیمار نظر آتا ہے اور نہ ہی بیماری نظر آتی ہے۔
اُن کا کہنا تھا کہ فیصل آباد ترقی کرتا ہے تو ملک ترقی کرتا ہے، صنعتیں چلتی ہیں تو مزدور کا روزگار چلتا ہے۔
مریم نواز نے یہ بھی کہا کہ مسلم لیگ ن گالم گلوچ اور چور چور نہیں کہتی، ہم تو خدمت سے مقابلہ کرتے ہیں ،بتائیں کارکردگی میں کوئی مسلم لیگ ن کی ٹکر کا کوئی ہے؟
انہوں نے کہا کہ نواز شریف کو 3 بار نکالا گیا لیکن ن لیگی قائد نے ایک بیان میں قومی سلامتی کو داؤ پر نہیں لگایا۔
ن لیگی رہنما نے کہا کہ نواز شریف کو ہرانے کے لیے کئی آئے، کئی چلے گئے، نواز شریف یہاں کھڑا ہے۔
