فرمان الہی
نماز کے اوقات
گزشتہ روز ہونے والے عام انتخابات میں ایک جانب پاکستان پیپلز پارٹی کے چیئرمین بلاول بھٹو زرداری تو دوسری جانب پی پی کے شریک چیئرمین و سابق صدر آصف علی زرداری قومی اسمبلی کی نشستوں کے لیے دوڑ میں شامل تھے ایسے میں سوال کھڑا ہوتا ہے کہ بختاور بھٹو زرداری نے اپنا ووٹ کسے دیا؟
سوشل میڈیا پلیٹ فارم پر متحرک رہنے والی محترمہ شہید بے نظیر بھٹو زرداری کی بڑی صاحبزادی بختاور بھٹو اپنی جھوٹی بہن آصفہ بھٹو زرداری کی طرح عوام کو ووٹ کی اہمیت اجاگر تو کرتی رہیں لیکن کیا انہوں نے اپنا ووٹ کاسٹ کیا؟
فوٹو اینڈ ویڈیو شیئرنگ پلیٹ فارم انسٹاگرام اور سوشل میڈیا پلیٹ فارم ایکس پر انہوں نے عوام کو پیپلز پارٹی کے کارنامے یاد دلائے۔
انہوں نے خود ووٹ کاسٹ کیا ہے یا نہیں، اس حوالے سے کوئی پوسٹ شیئر نہیں کی اور نہ ہی اس حوالے سے پاکستان پیپلز پارٹی کے آفیشل اکاؤنٹ سے کوئی ویڈیو شیئر کی گئی ہے۔
واضح رہے کہ گزشتہ روز پاکستان پیپلز پارٹی کے آفیشل ایکس اکاؤنٹ سے پی پی پی چیئرمین بلاول بھٹو زرداری، شریک چیئرمین آصف علی زرداری اور آصفہ بھٹو زرداری کی ووٹ کاسٹ کرنے کی ویڈیوز اور تصاویر شیئر کی گئیں تھی۔
تاہم بختاور بھٹو زرداری منظر سے غائب رہیں، اس لیے اس حوالے سے حتمی طور پر کچھ نہیں کہا جاسکتا کہ انہوں نے ووٹ کاسٹ کیا ہے یا صرف عوام کو تحریک ہی دلاتی رہی ہیں۔
