سوشل میڈیا ایپ ایکس کی بندش، چیئرمین پی ٹی اے کو نوٹس جاری

سندھ ہائی کورٹ نے سوشل میڈیا ایپ ایکس کی بندش کے کیس میں توہین عدالت کی درخواست پر تحریری حکم نامہ جاری کر دیا۔

عدالت نے چیئرمین پی ٹی اے کو توہین عدالت کی درخواست پر نوٹس جاری کر دیا۔

سندھ ہائی کورٹ نے کہا کہ پی ٹی اے نے ایکس کی بندش سے متعلق کوئی معقول جواز پیش نہیں کیا، چیئرمین پی ٹی اے توہین عدالت کی کارروائی کے لیے خود کو بے نقاب کر رہے ہیں۔

انٹرنیٹ اور سوشل میڈیا ایپ کی بندش کیخلاف درخواستوں کی سماعت

پاکستان ٹیلی کمیونیکیشن اتھارٹی (پی ٹی اے) نے سندھ ہائیکورٹ میں جواب جمع کروا دیا جبکہ وزارت داخلہ اور وزارت ٹیلی کمیونیکیشن اتھارٹی نے جواب کے لیے مہلت طلب کرلی۔

عدالت نے ایکس کی بندش کے خلاف حکم امتناع میں توسیع کرتے ہوئے عدالتی احکامات وفاقی حکومت اور پی ٹی اے سمیت دیگر کو ارسال کرنے کا حکم دے دیا۔

وفاقی حکومت اور پی ٹی اے نے جواب جمع کرانے کے لیے مہلت طلب کر لی۔

عدالت نے حکم دیا کہ آئندہ سماعت سے قبل وزارت داخلہ اور پی ٹی اے جواب دیں۔ 

درخواست گزار نے کہا کہ عدالتی احکامات کے باوجود ایکس کی سروس بحال نہیں کی گئی ہے۔