70 فیصد پاکستان پر پیپلز پارٹی کی حکومت ہے، مراد علی شاہ

وزیراعلیٰ سندھ سید مراد علی شاہ نے دعویٰ کیا کہ ملک کے 70 فیصد رقبے پر پاکستان پیپلز پارٹی (پی پی پی) کی حکومت ہے۔

گڑھی خدا بخش میں بانی چیئرمین پی پی پی ذوالفقار علی بھٹو کی برسی پر جلسے سے خطاب میں مراد علی شاہ نے پیشنگوئی کی کہ اگلے الیکشن میں ملک کے 100 فیصد رقبے پر پیپلز پارٹی کی حکومت ہوگی۔

ملک کا پارلیمانی نظام ذوالفقار علی بھٹو کا مرہون منت ہے، سرفراز بگٹی

وزیراعلیٰ بلوچستان میر سرفراز بگٹی نے کہا ہے کہ ملک میں پارلیمانی نظام شہید ذوالفقار علی بھٹو کا مرہون منت ہے۔

انہوں نے مزید کہا کہ آصف زرداری صاحب نے کہا تھا کہ الیکشن میں 100 فیصد نتائج چاہیے۔

وزیراعلیٰ سندھ نے یہ بھی کہا کہ سندھ میں پیپلز پارٹی نے تقریباً 100 فیصد ہی رزلٹ دیا ہے۔

اُن کا کہنا تھا کہ بلاول بھٹو کے 10 نکات حکومت سندھ پورے کرے گی، ہمارا فرض ہے کہ ہم پہلے سے زیادہ سندھ کی خدمت کریں۔

جلسے سے خطاب کےلیے صدر مملکت آصف علی زرداری اور چیئرمین پی پی اور سابق وزیر خارجہ بلاول بھٹو زرداری بھی موجود تھے۔