فائرنگ کا واقعہ پریشان کن ہے، ارباز خان کا خاندان کی جانب سے بیان

 

بالی ووڈ سپر اسٹار سلمان خان کے چھوٹے بھائی ارباز خان نے گزشتہ روز باندرہ میں خاندان کے گھر پر ہونے والی فائرنگ کے واقعہ پر خاندان کے موقف پر مبنی بیان جاری کیا اور کہا کہ واقعہ پریشان کن ہے۔ 

یاد رہے کہ اتوار کی صبح سویرے سلمان خان کے ممبئی کے علاقے باندرہ میں واقع گلیکسی اپارٹمنٹ کے باہر دو نامعلوم افراد نے فائرنگ کی تھی۔

سلمان کے والد سلیم خان فائرنگ واقعے کے بعد پہلی بار منظر عام پر

بالی ووڈ سپر اسٹار سلمان خان کے والد سلیم خان گزشتہ روز سلمان خان کی ممبئی کے علاقے باندرہ میں واقع انکی رہائش گاہ گلیکسی اپارٹمنٹ کے باہر فائرنگ کے بعد پہلی بار نظر آئے۔

ارباز خان نے اپنے تحریری بیان میں کہا کہ ہمارا خاندان پریشان اور بے چین ہے۔ انکا مزید کہنا تھا کہ اس چونکا دینے والے واقعہ سے ہم پریشان اور مایوس ہیں۔

ارباز خان نے کہا کہ بدقسمتی سے اس صورتحال کے موقع پر کچھ لوگ دعویٰ کر رہے ہیں کہ وہ ہمارے خاندان سے بہت قریبی تعلق رکھتے ہیں اور وہ خود کو ہمارے خاندان کا ترجمان ظاہر کرتے ہوئے میڈیا میں عجیب و غریب قسم کے بیانات جاری کر رہے ہیں۔

ان بیانات میں یہ کہا جا رہا ہے کہ یہ سب کچھ پبلسٹی حاصل کرنے کے طریقے ہیں اور خاندان پر اس سے کوئی فرق نہیں پڑا۔ انہوں نے کہا یہ بالکل درست نہیں، نہ ہی ان آرا کو سنجیدگی سے لیا جانا چاہیے۔

فائرنگ کے واقعے کے وقت سلمان کے گھر کے باہر پولیس نہ ہونے کا انکشاف

پولیس کی ایک گاڑی ممبئی میں سلمان خان کے اس گھر کے باہر ہر وقت سیکیورٹی کےلیے موجود رہتی ہے، میڈیا رپورٹس

انہوں نے کہا کہ سلیم خان کے خاندان کے کسی رکن نے اس واقعہ کے حوالے سے میڈیا کو کوئی بیان جاری نہیں کیا۔ 

اس وقت ہمارا خاندان پولیس کی مدد اور ان سے تفتیش کے معاملے پر تعاون کر رہا ہے۔ ہمیں ممبئی پولیس پر پورا بھروسہ ہے اور انہوں نے بھی ہمیں یقین دلایا ہے کہ وہ ہمارے خاندان کے تحفظ اور سلامتی کے لیے اپنی استطاعت کے مطابق سب کچھ کرینگے۔

انہوں نے کہا میں تمام لوگوں کی محبت اور سپورٹ پر انکا شکر گزار ہوں۔ 

اس واقعے کے بعد مہاراشٹرا کے وزیر اعلیٰ ایکناتھ شندے نے سلمان خان کو فون کر کے صورتحال سے آگہی حاصل کی، انہوں نے بعد ازاں پولیس کمشنر کو بھی سلمان خان  کی سیکیورٹی بڑھانے کے احکامات جاری کیے۔