فرمان الہی
نماز کے اوقات
یورپی یونین، بیلجیم اور لکسمبرگ میں پاکستان کی سفیر آمنہ بلوچ نے بیلجیم کی ہاسلٹ یونیورسٹی کا دورہ کیا۔
یونیورسٹی پہنچنے پر ڈائریکٹر ریسرچ، لائبریری اینڈ انٹرنیشنلائزیشن، سعدیہ وانکاوینبرگ اور یونیورسٹی کے دیگر حکام نے سفیر کا پرتپاک استقبال کیا۔
اپنے دورے کے دوران آمنہ بلوچ نے ہاسلٹ یونیورسٹی کو اس کے اختراعی انداز اور مختلف تعلیمی شعبوں میں متاثر کن پیشرفت پر سراہا۔
بیلجیم اور پاکستان کے درمیان دوطرفہ تعلقات کی اہمیت پر زور دیتے ہوئے انہوں نے ہاسلٹ یونیورسٹی سمیت دونوں ممالک کی یونیورسٹیوں کے درمیان نتیجہ خیز تعاون اور اشتراک کے امکانات کو اجاگر کیا۔
اس موقع پر سفیر پاکستان نے یونیورسٹی کے سالانہ ورلڈ ایوننگ ایونٹ کے ایک حصے کے طور پر پاکستانی فوڈ اسٹال کا دورہ بھی کیا جہاں انہوں نے بین الاقوامی پلیٹ فارم پر متنوع پاکستانی ثقافت اور کھانوں کی نمائش میں پاکستانی طلباء کی کوششوں کو سراہا۔
