عارف والا: ٹی ایچ کیو اسپتال کے گائنی عملے کے انکار پر وارڈ کے باہر پیدا ہوا نومولود دم توڑ گیا

عارف والا کے ٹی ایچ کیو اسپتال میں لیبر روم کے باہر بچے کی پیدائش کا واقعہ پیش آیا ہے۔

بچے کے ورثاء کے مطابق گائنی کے عملے کے انکار پر بچے کی پیدائش وارڈ کے باہر ہوئی۔

بچے کے ورثاء نے بتایا ہے کہ ٹی ایچ کیو اسپتال کے وارڈ کے باہر پیدا ہونے والا نومولود دم توڑ گیا۔

لاہور: اسپتال کے باہر بچے کی پیدائش، ڈائریکٹر ایمرجنسی معطل

لاہور کے گنگا رام اسپتال میں ایم ایس آفس کے باہر خاتون کے....

ورثاء کا کہنا ہے کہ بچے کو تشویش ناک حالت کے باعث ساہیوال اسپتال ریفر کیا گیا تھا جو جانبر نہ ہو سکا۔

ٹی ایچ کیو اسپتال کے ایم ایس کا کہنا ہے کہ واقعے کی ذمے دار لیڈی ڈاکٹر، انچارج نرس اور مڈ وائف ہیں۔

ایم ایس ٹی ایچ کیو اسپتال کا یہ بھی کہنا ہے کہ ڈاکٹر سمیت تینوں افراد کے خلاف کارروائی کی سفارش کی ہے۔