فرمان الہی
نماز کے اوقات
وزیرِ اعلیٰ پنجاب مریم نواز شریف نے والد، سابق وزیر اعظم نواز شریف اور اور چچا، وزیرِ اعظم شہباز شریف کے ہمراہ خوشگوار موڈ میں تصویریں شیئر کی ہیں۔
پاکستان کی معروف خاتون سیاست دان، مسلم لیگ ن کی رہنما مریم نواز شریف نے والد کے 6 سال بعد ن لیگ کے دوبارہ صدر بننے پر خوشی کا اظہار کیا ہے۔
مریم نواز شریف نے اس موقع پر والد نواز شریف کے ہمراہ تصویریں شیئر کی ہیں جن میں باپ اور بیٹی کو انتہائی خوشگوار موڈ میں دیکھا جا سکتا ہے۔
ان تصویروں کو ناصرف مسلم لیگ ن کے رہنما و حامی پسند کر رہے ہیں بلکہ باپ بیٹی کے رشتے کو اہمیت، سمجھنے اور ترجیح دینے والے صارفین بھی لائیک کر رہے ہیں۔
یاد رہے کہ گزشتہ روز سابق وزیراعظم نواز شریف 6 برس بعد دوبارہ پاکستان مسلم لیگ (ن) کے صدر بن گئے ہیں، وہ بلامقابلہ پارٹی کے صدر منتخب ہوئے۔
لاہور میں مسلم لیگ ن کی جنرل کونسل کا اجلاس ہوا منعقد کیا گیا تھا جس میں نواز شریف، وزیراعظم شہباز شریف اور وزیراعلیٰ پنجاب مریم نواز نے شرکت کی تھی۔
دیگر شرکاء میں خواجہ آصف، مریم اورنگزیب، اعظم نذیر تارڑ، رانا تنویر حسین، سردار ایاز صادق، حمزہ شہباز اور دیگر رہنما بھی شامل تھے۔
شہباز شریف کی نواز شریف کو مبارکباد
وزیراعظم شہباز شریف نے نواز شریف کو بلامقابلہ پارٹی صدر منتخب ہونے پر گلے لگا کر مبارکباد دی جبکہ وزیراعلیٰ پنجاب مریم نواز نے بھی والد کو پارٹی صدر بننے پر مبارکباد دی۔
