16 ہزار میگاواٹ سرپلس اور مہنگی بجلی کا کیا کریں؟ حکومت کو نیا چیلنج مل گیا

وفاقی حکومت کے لیے 16 ہزار میگا واٹ سرپلس اور مہنگی بجلی سب سے بڑا چیلنج بن گئی۔

ذرائع کے مطابق وزیراعظم شہباز شریف نے مہنگی بجلی کے چیلنج سے نمٹنےکےلیے 4 اہم فیصلوں کی ہدایت کردی اور پاور ڈویژن سے ان فیصلوں پر عمل درآمد رپورٹ 30 جون تک طلب کرلی۔

پاور سیکٹر میں بہت سے مسائل، بہت بڑا مسئلہ بجلی چوری ہے، اویس لغاری

وفاقی وزیر توانائی اویس لغاری نے کہا ہے کہ پاور سیکٹر میں بہت سے مسائل ہیں، ملک میں بجلی چوری بہت بڑا مسئلہ ہے۔

ذرائع کے مطابق شہباز شریف نے گھریلوں صارفین کےلیے سبسڈی ختم کرکے بینظیر انکم سپورٹ پروگرام (بی آئی ایس پی) کے ذریعے براہ راست سبسڈی دینے کا پلان طلب کرلیا۔

ذرائع کے مطابق وزیراعظم نے اسپیشل اکنامک زون میں صنعتوں کو سستے دام بجلی دینےکےلیے اسپیشل ٹیرف تیار کرنے کی ہدایت کی۔

وزیراعظم آفس کے ذرائع کے مطابق ان اقدامات سے سر پلس بجلی کو کھپانے میں مدد ملے گی۔

غیر معیاری پنکھے بدلنے کےلیے کمرشل بینکوں اور مائیکرو فنانس اداروں سے فنانسنگ لینے کا امکان ہے، وزیراعظم نے معیاری پنکھوں کی پیداوار بڑھانے کےلیے بھی پلان طلب کرلیا۔