حارث رؤف نے ٹی20 میں وکٹوں کی سنچری مکمل کرلی

پاکستان کے فاسٹ بولر حارث رؤف نے آئی سی سی ٹی 20 ورلڈ کپ 2024ء میں کینیڈا کے خلاف میچ میں اہم کارنامہ سرانجام دے دیا۔

حارث رؤف نے مختصر ترین دورانیے کی انٹرنیشنل کرکٹ میں وکٹوں کی سنچری مکمل کرلی ہے، انہوں نے یہ سنگ میل کینیڈا کے خلاف میچ میں عبور کیا۔

حارث رؤف وکٹوں کی تیز ترین سنچری مکمل کرنے والے فاسٹ بولر بن گئے،  فاسٹ بولر نے 71 میچز میں 100 ٹی20 انٹرنیشنل وکٹیں مکمل کیں۔

آئرلینڈ کے مارک اڈائیر نے 72 میچز میں 100 وکٹوں کا سنگ میل عبور کیا، مجموعی طور پر حارث رؤف 100 وکٹیں حاصل کرنے والے تیسرے تیز ترین بولر ہیں۔

حارث سے کم ٹی 20 میچز میں وکٹوں کی سنچری مکمل کرنے والے دیگر دو بولرز اسپنرز ہیں، راشد خان نے 54 اور ہسارنگا نے 63 میچز میں 100 وکٹ مکمل کی تھیں۔

حارث رؤف 100 ٹی 20 انٹرنیشنل وکٹ لینے والے دوسرے پاکستانی بولرز ہیں، ان سے قبل شاداب خان نے 107 وکٹوں کے ساتھ فہرست میں آگے ہیں۔