فرمان الہی
نماز کے اوقات
کراچی(نیوزڈیسک)بھارت میں گزشتہ روز لیند سلائیڈنگ سے ہلاک ہونے والوں کی تعداد 150 ہوگئی، تاہم مسلسل بارشوں اور تیز ہواؤں کی وجہ سے امدادی کارروائیوں میں مشکلات کا سامنا کرنا پڑرہا ہے۔غیر ملکی خبررساں اداروں کی رپورٹس کے مطابق بھارتی کی جنوبی ریاست کیرالہ میں کئی روز سے جاری موسلادھار بارشوں نے تباہی مچادی، ضلع ویاناڈ میں لینڈ سلائیڈنگ کے باعث سڑکیں بند ہونے سے ریسکیو ٹیموں کو امدادی کارروائیوں میں مشکلات کا سامنا ہے۔بھارت کے پرکشش سیاحتی مقامات میں سے ایک، کیرالہ میں شدید بارشوں کی وجہ سے گزشتہ روز صبح سویرے لینڈ سلائیڈنگ ہوئی، جس کے نتیجے میں سیکڑوں افراد کیچڑ، پانی اور پتھروں تلے دب گئے، تاہم ریسکیو ٹیموں نے 250 سے زائد افراد کو کیچڑ، گارا اور ملبے سے ریسکیو کیا ہے۔
