• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان شاہینز نے پہلے ون ڈے میں این ٹی اسٹرائیک کو 4 وکٹ سے ہرا دیا

سہیل عمران
تازہ ترین
کھیلوں کی خبریں
04 اگست ، 2024
فوٹو بشکریہ رپورٹر
فوٹو بشکریہ رپورٹر

 پاکستان شاہینز نے پہلے ون ڈے میچ میں این ٹی اسٹرائیک کو 4 وکٹوں سے شکست دے دی۔

اتوار کو کھیلے گئے اس میچ میں این ٹی اسٹرائیک نے ٹاس جیت کر پہلے بیٹنگ کا فیصلہ کیا تاہم پاکستان شاہینز کے بولرز کی عمدہ کارکردگی کے نتیجے میں میزبان ٹیم 46.1 اوورز میں 142رنز بناکر آؤٹ ہو گئی۔

پاکستان شاہینز کے بولرز میں جہانداد خان اور مبصر خان نمایاں رہے، جہانداد خان نے 26 رنز دے کر 4 وکٹیں حاصل کیں جو ان کی ون ڈے میں بہترین بولنگ ہے جبکہ مبصر خان نے 18 رنز کے عوض 3 کھلاڑیوں کو آؤٹ کیا۔

پاکستان شاہینز نے مطلوبہ اسکور 35.1 اوورز میں 6 وکٹوں کے نقصان پر پورا کر لیا، صاحبزادہ فرحان نے 30، عرفان خان 21 اور عثمان خان نے 20 رنز اسکور کیے۔

پاکستان شاہینز دورے کا دوسرا ون ڈے میچ منگل کو بنگلادیش اے کے خلاف کھیلے گی۔

کھیلوں کی خبریں سے مزید