شیخ حسینہ کے نام سے منسوب عمارت کا نام تبدیل کرنے کا فیصلہ

بنگلادیش میں سابق وزیراعظم شیخ حسینہ واجد کے نام سے منسوب عمارت کا نام تبدیل کرنے کا فیصلہ کرلیا گیا۔

عبوری حکومت میں کھیلوں اور نوجوانوں کے مشیر آصف محمود نے اعلان کیا ہے کہ شیخ حسینہ نیشنل انسٹی ٹیوٹ آف یوتھ ڈویلپمنٹ کا نام تبدیل کرکے "بنگلادیش نیشنل انسٹی ٹیوٹ آف یوتھ ڈویلپمنٹ" رکھا جائے گا۔

شیخ حسینہ واجد ابھی بھی بنگلادیش کی وزیراعظم ہیں، بیٹے کا دعویٰ

وزیراعظم کےباضابطہ استعفیٰ کے بغیر نگراں حکومت کی تشکیل عدالت میں چیلنج کی جا سکتی ہے۔

آصف محمود نے اپنے دفتر کے پہلے دن ڈھاکا میں سیکریٹریٹ میں صحافیوں سے بات چیت کے دوران شیخ حسینہ واجد کے نام سے منسوب انسٹی ٹیوٹ کا نام تبدیل کرنے کا اعلان کیا۔

مشیر کھیل نے مزید کہا کہ 'شیخ حسینہ کا نام بنگلادیش میں ایک خونریزی سے منسلک ہے۔ اسی لیے ہم انسٹی ٹیوٹ کا نام بنگلادیش نیشنل انسٹی ٹیوٹ آف یوتھ ڈیولپمنٹ رکھنے جا رہے ہیں۔'

یاد رہے کہ بنگلادیش میں کوٹہ سسٹم کے خلاف کیا جانے والا احتجاج بعد میں حسینہ واجد کو ہٹانے کی تحریک میں تبدیل ہوگیا تھا جس کے باعث حسینہ واجد کو وزیراعظم کے عہدے سے مستعفی ہو کر ملک چھوڑ کر بھاگنا پڑا تھا۔

بعدازاں فوج نے صدر سے مشاورت کے بعد عبوری حکومت بنانے کا اعلان کیا تھا اور دو روز قبل ہی عبوری حکومت نے بھی اپنی ذمہ داریوں کا حلف اٹھا لیا۔

بنگلادیش میں کوٹہ سسٹم کے خلاف تحریک کی قیادت کرنے والے 2 طالب علم ناہید اسلام اور آصف محمود بھی عبوری کابینہ میں شامل ہیں۔