بھارتی اداکارہ حنا خان بنگلادیش کی صورتحال پر پریشان

بھارتی اداکارہ حنا خان بنگلادیش کی موجودہ صورتحال بالخصوص اقلیتوں کی حفاظت کےلیے دعا کرتے ہوئے کہا ہے کہ وہاں سب محفوظ رہیں۔ 

سوشل میڈیا پر اپنے پیغام میں حنا خان کا کہنا تھا کہ کسی بھی معصوم کی موت انسانیت کی موت ہے، اب چاہے مرنے والا کسی بھی ملک، مذہب یا قوم کا ہو۔ 

کینسر سے متاثرہ بھارتی اداکارہ حنا خان نے اپنے بالوں کی وگ بنوالی

بھارتی ڈراموں سے شہرت کی بلندی کو چھونے کے بعد ہندی فلم انڈسٹری میں قدم رکھنے والی اداکارہ حنا خان نے کینسر کے علاج کے دوران اپنے بال کٹوانے کے بعد ان کی وگ بنوالی۔

انہوں نے کہا کہ کسی بھی برادری کو ظالمانہ رویے سے نہیں گزرنا چاہیے۔ جو غلط ہے وہ غلط ہے۔ کسی بھی ملک میں اقلیتوں کی حفاظت اس ملک میں بین المذاہب ہم آہنگی کی علامت ہوتا ہے۔ 

 اپنے پیغام میں انہوں نے یہ بھی کہا کہ میری ہمدردیاں ہر اس شخص کے ساتھ ہیں جو دنیا بھر میں اس (ظلم) سے متاثر ہو رہا ہے، کیونکہ میرے لیے انسانیت پہلے ہے۔

انہوں نے کہا کہ میں دعا کرتی ہوں کہ بنگلادیش میں ہندو اور اقلیتیں محفوظ رہیں۔