اڈیالہ جیل میں 190 ملین پاؤنڈ ریفرنس کا ٹرائل آخری مراحل میں داخل

راولپنڈی کی اڈیالہ جیل میں جاری 190 ملین پاؤنڈ ریفرنس کا ٹرائل آخری مراحل میں داخل ہو گیا۔

190 ملین پاؤنڈ ریفرنس کی سماعت آج اڈیالہ جیل میں احتساب عدالت کے جج ناصر جاوید رانا کریں گے۔

اس موقع پر بانیٔ پی ٹی آئی اور ان کی اہلیہ بشریٰ بی بی کو کمرۂ عدالت میں پیش کیا جائے گا۔

190 ملین پاؤنڈ ریفرنس: بانیٔ پی ٹی آئی و بشریٰ بی بی کی نیب بورڈ اجلاس کا ریکارڈ پیش کرنے کی درخواست مسترد

احتساب عدالت نے راولپنڈی کی اڈیالہ جیل میں بانیٔ پی ٹی آئی کے خلاف 190 ملین پاؤنڈ ریفرنس کی سماعت 15 اگست تک ملتوی کر دی۔

نیب کے پراسیکیوٹر مظفر عباسی اور امجد پرویز ٹیم کے ہمراہ پیش ہوں گے۔

وکلائے صفائی نیب کے تفتیشی افسر میاں عمر ندیم پر جرح مکمل کریں گے۔

190 ملین پاؤنڈ ریفرنس میں مجموعی طور 34 گواہان کے بیانات قلم بند ہو چکے ہیں، جرح بھی مکمل ہو چکی۔

نیب نے ریفرنس کے مزید گواہان کو ترک کر دیا، آخری گواہ تفتیشی افسر پر جرح ہونا باقی ہے۔