• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

یوکرین گیس پائپ لائنز پر حملہ امریکی اجازت کے بغیر نہیں کر سکتا تھا: روسی سفیر

تازہ ترین
بین الاقوامی خبریں
16 اگست ، 2024
اناتولی انتونوف: فوٹو فائل
اناتولی انتونوف: فوٹو فائل

امریکا میں روسی سفیر اناتولی انتونوف کا کہنا ہے کہ یوکرین نارڈ اسٹریم گیس پائپ لائنوں پر حملہ امریکی اجازت کے بغیر نہیں کر سکتا تھا۔

انہوں نے ایک بیان میں کہا ہے کہ امریکا تمام ذمے داری اپنی یوکرینی کٹھ پتلیوں پر ڈالنا چاہتا ہے، روس نارڈ اسٹریم گیس پائپ لائنوں پر حملہ کرنے والوں کی نشاندہی کرکے انہیں سزا دے گا۔

یوکرینی فورسز کی روسی علاقے کرسک میں دراندازی، صدر زیلنسکی کی تصدیق

یوکرینی فورسز گزشتہ ہفتے سے روس کے سرحدی علاقے کرسک میں دراندازی کر رہی ہیں۔

امریکی جریدے کے مطابق یوکرینی اعلیٰ فوجی کمانڈر نے گیس پائپ لائنوں پر 2022ء کے حملے کی منظوری دی تھی۔

امریکی جریدے کا مزید کہنا ہے کہ امریکی سینٹرل انٹیلیجنس ایجنسی نے یوکرینی صدر زیلنسکی کو بم باری نہ کرنے کی وارننگ بھی دی تھی۔

برطانوی اخبار کا کہنا ہے کہ یوکرینی صدر کے ترجمان نے ان دعووں کی تردید کی ہے۔

بین الاقوامی خبریں سے مزید