ویمن ٹی ٹوئنٹی ورلڈ کپ بنگلادیش سے یو اے ای منتقل کردیا گیا

بنگلادیش میں سیاسی بحران اور افرا تفری کے باعث ویمن ٹی ٹوئنٹی ورلڈ کپ 2024 متحدہ عرب امارات (یو اے ای) منتقل کردیا گیا۔ 

آئی سی سی کی جانب سے جاری اعلامیہ میں کہا گیا کہ ایونٹ یو اے ای میں کھیلا جائے گا جبکہ اسکا میزبان بنگلادیش ہی رہے گا۔ 

ویمن ٹی ٹوئنٹی ورلڈ کپ کے میچز دبئی اور شارجہ میں ہوں گے۔ ایونٹ 3 سے 20 اکتوبر تک کھیلا جائے گا۔

کرکٹ کی عالمی تنظیم کا کہنا تھا کہ کچھ ممالک کی ٹریول ایڈوائزری کی وجہ سے بنگلادیش میں ایونٹ ممکن نہیں تھا۔

اسکا یہ بھی کہنا تھا کہ بنگلادیش ایونٹ کا انعقاد یادگار انداز میں کرواتا، تاہم اسے منتقلی کے فیصلے پر افسوس ہے۔