پنجگور و ژوب میں انٹیلیجنس بیسڈ کارروائیاں، 5 دہشتگرد ہلاک، 3 زخمی

سیکیورٹی فورسز نے بلوچستان کے اضلاع پنجگور اور ژوب میں انٹیلیجنس بیسڈ کارروائیاں کی ہیں۔

پاک فوج کے شعبۂ تعلقاتِ عامہ (آئی ایس پی آر ) کے مطابق ان کارروائیوں کے دوران سیکیورٹی فورسز نے 5 دہشت گردوں کو ہلاک کر دیا۔

کل رات کی کارروائیوں میں سیکیورٹی فورسز کی فائرنگ سے 3 دہشت گرد زخمی بھی ہوئے ہیں۔

موسیٰ خیل: گاڑیوں سے اتار کر 23 افراد قتل، بسیں، ٹرک جلا دیے گئے

بلوچستان کے ضلع موسیٰ خیل کے علاقے راڑہ شم میں 23 مسافروں کو قتل کر دیا گیا۔

آئی ایس پی آر کے مطابق کارروائیاں 26 اگست کو بلوچستان میں ہوئی دہشت گردی کے تناظر میں کی گئیں۔

پاک فوج کے شعبۂ تعلقاتِ عامہ کا کہنا ہے کہ دہشت گردوں کو کٹہرے میں لانے تک فورسز کی کارروائیاں جاری رہیں گی۔

آئی ایس پی آر کا مزید کہنا ہے کہ پاکستان کی سیکیورٹی فورسز قوم کے شانہ بشانہ ہیں۔

پاک فوج کے شعبۂ تعلقاتِ عامہ کا یہ بھی کہنا ہے کہ بلوچستان کا امن و ترقی سبوتاژ کرنے کی کوششوں کو ناکام بنانے کے لیے پُر عزم ہیں۔