فرمان الہی
نماز کے اوقات
کراچی (اسٹاف رپورٹر) سابق ٹیسٹ لیگ اسپنر دانش کنیریا پاکستان میں نام کمانے اور پیسہ بنانے کے بعد اب بیرون ملک منتقل ہوگئے ہیں اور پاکستان کے خلاف زہر اگلنے لگے ہیں۔ وہ کہتے ہیں کہ میں نہیں چاہتا کہ بھارتی ٹیم آئی سی سی چیمپئنز ٹرافی2025ءپاکستان میں کھیلے۔ ویب سائٹ کو ایک انٹر ویو میں ان کا کہنا تھا پاکستان میں حالات ٹھیک نہیں ۔ پاکستان صرف پیسے کے بارے میں سوچ رہا ہے، اگر بھارت پاکستان آتا ہے تو ملک کو بڑے پیمانے پر مالیاتی فروغ ملے گا اور وہ (پاکستانی حکام) یہی چاہتے ہیں، وہ سیکورٹی جیسے مسائل کو نہیں دیکھ رہے۔ ٹورنامنٹ ہائبرڈ ماڈل میں کھیلا جانا چاہیے، بھارتی ٹیم نے طویل عرصے سے پاکستان کا سفر نہیں کیا ہے اور یہ واضح نہیں ہے کہ بھارتی حکومت اس بار بھی ٹیم کو پاکستان میں کھیلنے کی اجازت دے گی یا نہیں۔ آئی سی سی حتمی فیصلہ کرے گا۔
