اسٹریٹ کرائمز پر سٹیزن پولیس لائژن کمیٹی (سی پی ایل سی) کے چیئرمین ایگزیکٹو کونسل جسٹس ریٹائرڈ نذر اکبر اپنے عہدے سے مستعفی ہو گئے ہیں۔
جسٹس(ر) نذر اکبر نے وزیرِ اعلیٰ سندھ مراد علی شاہ کو اپنا استعفیٰ بھیج دیا ہے۔
جسٹس (ر) نذر اکبر کے استعفے کا متن سامنے آ گیا جس میں کہا گیا ہے کہ چند ماہ میں سبق سیکھا کہ پیسہ قانون ہے، امیر کا پیسہ قانون کی تمام ضروریات کو بدل سکتا ہے۔
استعفے میں جسٹس (ر) نذر اکبرکا کہنا ہے کہ امراء اور طاقت ور کے لیے غیر قانونی کام کرنا جرم نہیں ہے، سی پی ایل سی چیف کے عہدے پر بغیر تقرری کے وزیرِ داخلہ، سیکرٹری داخلہ اور آئی جی پولیس کے ساتھ کیسےکام کر سکتا ہے۔
انہوں نے استعفے میں کہا ہے کہ اس عہدے پر زبیر حبیب نے اپنے خلاف نیب انکوائری ختم کرا لی، ہائی کورٹ کے سابق جج کی حیثیت سے ارگرد کے حالات جان کر حماقت نہیں کر سکتا۔
جسٹس(ر)نذر اکبر کا اپنے استعفے میں یہ بھی کہنا ہے کہ حقائق اور حالات کے پیش نظر میرے لیے باعزت اخراج ہی واحد راستہ ہے۔