پاک فضائیہ کے شہداء کو سلام پیش کرتے ہیں: وزیرِ اعظم

وزیرِ اعظم محمد شہباز شریف کا کہنا ہے کہ 7 ستمبر 1965ء کے دن پاک فضائیہ کے شاہینوں نے جرأت و بہادری کی تاریخ رقم کی۔

یوم فضائیہ پر پیغام میں وزیرِ اعظم محمد شہباز شریف نے پاک فضائیہ کو لازوال قربانیوں اور پیشہ ورانہ مہارت پر خراجِ تحسین پیش کیا ہے۔

ان کا کہنا ہے کہ پاک فضائیہ کے بہادر جوانوں نے اپنی بہادری سے دشمن کے ناپاک عزائم کو خاک میں ملا دیا تھا۔

یومِ فضائیہ پر راشد منہاس شہید کو خراجِ عقیدت: تقریب میں بھائی انجم منہاس کی شرکت

یومِ فضائیہ کے موقع پر وطن پر اپنی جان قربان کر کے مثال قائم کرنے والے پائلٹ نشانِ حیدر یافتہ شہید راشد منہاس کو خراجِ عقیدت پیش کرنے کی تقریب کا انعقاد کیا گیا۔

وزیرِ اعظم نے مزید کہا ہے کہ ایم ایم عالم نے 1 منٹ کے اندر دشمن کے 5 طیارے تباہ کر کے دشمن کے غرور کو خاک میں ملا دیا تھا، پوری قوم کو پاک فضائیہ پر فخر ہے۔

انہوں نے یہ بھی کہا ہے کہ وطن کی خاطر اپنی جانوں کا نذرانہ پیش کرنے والے پاک فضائیہ کے شہداء کو سلام پیش کرتے ہیں۔