پاکستان تحریک انصاف مرضی کی عدالتیں اور ججز کو قبول نہیں کرے گی، بیرسٹر گوہر

پاکستان تحریک انصاف (پی ٹی آئی) کے چیئرمین بیرسٹر گوہر کا کہنا ہے کہ ہماری پارٹی مرضی کی عدالتیں اور ججز کو قبول نہیں کرے گی، پاکستان تحریک انصاف ججز سے  متعلق قانون سازی کی مخالفت کرے گی۔

اسلام آباد سنگجانی میں جلسے سے خطاب  کرتے ہوئے بیرسٹر گوہر نے کہا کہ بانی پی ٹی آئی کے خلاف مزید کسی کیس کا بنانا ہمیں قبول نہیں، بانی پی ٹی آئی ایک حقیقت ہیں یہ ماننا پڑے گا۔

پی ٹی آئی جلسے کے شرکاء کا پولیس پر پتھراؤ، متعدد اہلکار زخمی

اسلام آباد میں 26 نمبر چُنگی پر جلسے کے شرکاء نے جاری کردہ روٹ کی خلاف ورزی کرتے ہوئے پولیس پر پتھراؤ کیا ہے۔

بیرسٹر گوہر نے کہا کہ 8 فروری کے انتخابات میں ہمارے مینڈیٹ پر ڈاکا ڈالا گیا، بانی پی ٹی آئی عوام کے حقوق کےلیے جدوجہد کر رہے ہیں، مقدمے بنائے گئے، جیل میں ڈالا گیا، یہ سمجھے لوگ بھول جائیں گے۔

 پی ٹی آئی چیئرمین نے کہا کہ دنیا سمجھتی ہے ملک کا لیڈر کرپٹ ہو تو ملک ترقی نہیں کر سکتا۔