فرمان الہی
نماز کے اوقات
کراچی میں چپ تعزیےکے آج دو جلوس نکالے جا رہے ہیں، کراچی کے نشتر پارک سے برآمد ہونے والا چپ تعزیے کا پہلا جلوس حسینیہ ایرانیاں امام بارگاہ پر اختتام پزیر ہو گیا۔
ٹریفک پولیس کے مطابق جلوس اختتام پزیر ہونے کے بعد ایم اے جناح روڈ کے اطراف کی تمام سڑکیں کھول دی گئیں اور ٹریفک کی روانی کو بحال کیا جا رہا ہے۔
چپ تعزیے کے پہلے جلوس کی سیکیورٹی کے سلسلے میں جلوس کے روٹ کے اطراف کی گلیوں اور سڑکوں کو کنٹینر رکھ کر بند کیا گیا تھا۔
اس حوالے سے کراچی ٹریفک پولیس نے ٹریفک پلان بھی جاری کیا تھا۔
دوسرا چپ تعزیے کا جلوس دوپہر 1 بجے رضویہ سوسائٹی سے برآمد ہو گا جو شاہ نجف امام بارگاہ مارٹن روڈ پر اختتام پزیر ہو گا۔
کراچی ٹریفک پولیس کے مطابق دوسرے جلوس کے سلسلے میں واٹر پمپ سے کریم آباد فلائی اوور دوپہر 1 بجے بند کر دیا جائے گا، الطاف حسین بریلوی روڈ، بڑا بورڈ سے گجر نالہ کراسنگ تک بند ہو گا۔
ٹریفک پولیس نے بتایا ہے کہ اس موقع پر ٹریفک کو کریم آباد چوک سے موسیٰ کالونی کی جانب بھیجا جائے گا۔
