آئینی ترمیم پر ہم اور فضل الرحمان متفق ہوں گے تو حکومت کو بتائیں گے، خورشید شاہ

پاکستان پیپلز پارٹی کے سینئر رہنما خورشید شاہ نے کہا ہے کہ مجوزہ آئینی ترمیم پر ہم اور مولانا فضل الرحمان متفق ہوں گے تو حکومت کو بتائیں گے۔

چیئرمین بلاول بھٹو کی سربراہی میں پیپلز پارٹی کے وفد نے مولانا فضل الرحمان سے ان کی رہائش گاہ پر ملاقات کی، وفد میں خورشید شاہ، نوید قمر، جمیل سومرو اور میئر کراچی مرتضیٰ وہاب شامل تھے۔

نوید قمر نے آئینی ترمیم پر فضل الرحمان کے اختلاف کی نوعیت بتادی

پاکستان پیپلز پارٹی ( پی پی پی) کے سینئر رہنما نوید قمر نے مجوزہ آئینی ترمیم پرمولانا فضل الرحمان کے اختلاف کی نوعیت کا تذکرہ کردیا۔

خورشید شاہ نے اسلام آباد میں فضل الرحمان سے ملاقات کے بعد پارٹی رہنما نوید قمر کے ہمراہ میڈیا سے گفتگو کی اور کہا کہ کل سے آئینی ترمیم پر بات ہورہی ہے اور بل آرہے ہیں۔

انہوں نے کہا کہ جو بل لارہے تھے، ان سے کچھ چیزیں ہٹائی گئیں، جن باتوں پر ہم سب متفق تھے اس بل کےلیے آئے تھے۔ ملک و قوم اور پارلیمنٹ کی بالادستی کےلیے قانون سازی کرنا ہمارا حق ہے، ہمیں اس سے کوئی بھی نہیں روک سکتا۔

ہم چاہتے ہیں آئینی عدالتیں بنیں، شاہدہ اختر علی

جمعیت علماء اسلام (جے یو آئی) کی خاتون رہنما شاہدہ اختر علی نے کہا ہے کہ ہم چاہتے ہیں آئینی عدالتیں بنیں۔

اُن کا کہنا تھا کہ مولانا فضل الرحمان کو اعتماد میں لیا ہے، جب مولانا صاحب اور ہم متفق ہوں گے تو حکومت کو بتائیں گے۔ ہم آتے رہے ہیں اور آتے رہیں گے، یہ ملاقاتیں ہوتی رہیں گی، ہم جو بل لے کر آرہے تھے اس کا بتادیا گیا تھا۔

انہوں نے کہا کہ آج ہم اس لیے آئے کہ جن باتوں پر ہم سب متفق ہیں، ان پر بیٹھ جاتے ہیں، ساری جماعتوں سے بات کرکے بل پارلیمنٹ میں لے آئیں گے۔