کورین گلوکار نے 75 ہزار ڈالر سے کاسمیٹک سرجری کروا کر پرستاروں کو چونکا دیا

جنوبی کوریا سے تعلق رکھنے والے 29 سالہ نوجوان ٹروٹ سنگر (گلوکار) پارک سیو جن نے حال ہی میں اپنے پرستاروں کو اس وقت چونکا دیا جب گلوکار نے انکشاف کیا کہ انھوں نے 75 ہزار ڈالر خرچ کرکے اپنے چہرے کی کاسمیٹک پروسیجر (سرجری) کروائی۔

انھوں نے اس موقع پر یہ تسلیم کیا کہ اس کے باوجود انکے آئی بالز (آنکھوں کے ڈھیلے) اور کانوں میں کوئی تبدیلی نہیں کی گئی بلکہ وہ قدرتی ہیں۔

بتایا جاتا ہے کہ گزشتہ ہفتے پارک سیو جن کو کورین میڈیا کے مختلف شوز میں مدعو کیا گیا تھا جہاں انہوں نے اپنے چہرے کی پلاسٹک سرجری کے بارے میں کھل کر گفتگو کی۔

آنکھوں کی کاسمیٹک سرجری، چینی خاتون کی آئی بال کو کنارے سے سی دیا گیا

ایک چینی خاتون کو اپنی آنکھوں کے کونوں کی ناہمواری کو درست کروانے کے لیے میڈیکل بیوٹی کلینک میں دوہری پلکوں کی سرجری کروانا مہنگا پڑ گیا اور اب وہ گزشتہ دو برسوں سے زیادہ عرصے سے بصارت کے مسائل کے ساتھ ساتھ ڈپریشن کا بھی شکار ہے۔

انکا کہنا تھا کہ وہ اپنے چہرے کی ظاہری کیفیت میں کچھ تبدیلیاں چاہتے تھے تاکہ اپنے کیریئر کو مزید مستحکم کیا جا سکے۔ 

واضح رہے کہ پارک سیو جن نے جنوبی کوریا میں ٹروٹ گلوکاری کا آغاز 2013 میں کیا، تاہم کچھ عرصے سے انکی شکل و صورت میں ہونے والی تبدیلیاں زیربحث تھیں۔ 

انھیں ایک بار ان آفیشل ٹاپ فائیو ٹروٹ سنگرز میں سب سے زیادہ پلاسٹک سرجری کروانے والوں میں شامل کیا گیا تھا گو کہ ان کے مداحوں نے ان کا دفاع کیا، تاہم پارک سیو جن کا کہنا ہے کہ وہ دراصل اپنی ظاہری ہر چیز جس میں بہتری کی ضرورت ہے وہ کروا رہے ہیں۔