آئی ایم ایف کی پاکستان میں مہنگائی کم ہونے کی پیش گوئی

7 ارب ڈالرز کے نئے قرض کی منظوری کے بعد عالمی مالیاتی ادارے (آئی ایم ایف) نے پاکستانی معیشت پر رپورٹ جاری کر دی۔

آئی ایم ایف نے معاشی ترقی میں تیزی، مہنگائی اور بے روزگاری میں کمی کی پیش گوئی کی ہے۔

رپورٹ میں کہا گیا ہے کہ رواں مالی سال معاشی ترقی کی رفتار بڑھ کر 3.2 فیصد تک جا سکتی ہے، پاکستان میں گزشتہ مالی سال معاشی شرح نمو 2.4 فیصد تھی۔

ملک میں مہنگائی کی اوسط شرح 23.4 سے کم ہو کر 9.5 فیصد رہنے کا امکان ہے جبکہ بے روزگاری 8 سے کم ہو کر 7.5 فیصد پر آنے کا تخمینہ لگایا گیا ہے۔

پاکستان کو آئی ایم ایف پروگرام کی پہلی قسط موصول ہوگئی

پاکستان کو عالمی مالیاتی ادارے ( آئی ایم ایف ) سے 7 ارب ڈالرز کے بیل آؤٹ پیکیج کی پہلی قسط موصول ہوگئی ہے۔

آئی ایم ایف کے مطابق بجٹ خسارہ 6.8 فیصد سے کم ہو کر 6.1 فیصد پر آ سکتا ہے۔

علاوہ ازیں آئی ایم ایف سمیت حکومت کے ذمہ واجب الادا قرضوں کی شرح بڑھنے کا خدشہ بھی ظاہر کیا گیا ہے۔

رپورٹ میں کہا گیا ہے کہ قرض بالحاظ جی ڈی پی 69.2 فیصد سے بڑھ کر 71.4 فیصد ہو سکتا ہے، رواں مالی سال خام زرِ مبادلہ کے ذخائر بڑھ کر 12.75 ارب ڈالرز تک جا سکتے ہیں۔