بوڑھے افراد کا عالمی دن، بولٹن کونسل ’’جامنی‘‘ رنگ سے روشن

گریٹر مانچسٹر /بولٹن (ابرار حسین) بولٹن کونسل نے یکم اکتوبر کو بوڑھے لوگوں کے عالمی دن پر ٹاؤن ہال کو جامنی روشنی میں رنگ دیا۔ اس سال تھیم "دی پارٹ وی پلے" تھا، اس دن کو منانے کیلئے بولٹن کے میئر کونسلر اینڈی مور گن نے بوڑھے رہائشیوں کے ایک وفد کی میزبانی کی تاکہ وہ مقامی کمیونٹی اور بارو میں زندگی کیلئے ان کی انمول شراکت کا جشن منائیں۔کونسلر لنڈا تھامس بولٹن کونسل نے کہا کہ بوڑھے لوگوں کا بین الاقوامی دن معمر افراد کی زبردست شراکت کو تسلیم کرنے کا ایک اہم موقع ہے۔ ایک معاشرے کے طور پر ہمیں اس اہم کردار پر توجہ مرکوز کرنے کے لیے مزید کام کرنے کی ضرورت ہے جو بڑی عمر کے لوگ افرادی قوت اور ہماری برادریوں میں، بطور نگہداشت کرنے والے یا رضاکار کے طور پر ادا کرتے ہیں۔ اس خاص تقریب کے بارے میں بیداری پیدا کرنے سے ہماری کمیونٹیز کو بوڑھے لوگوں کی تعریف کرنے کے لیے ایک ساتھ لانے میں مدد ملتی ہے اور بولٹن کو ایک ایسی جگہ بنانے میں مدد مل سکتی ہے جہاں ہم سب مل جل کر اچھے طریقے کے ساتھ عمر بھر کیلئے ایک ساتھ رہ سکتے ہیں۔