افتخار چوہدری بحالی کے بعد وکلاء اور ہم سے ہاتھ کر گئے تھے: گورنر پنجاب سلیم حیدر

گورنر پنجاب سردار سلیم حیدر خان کا کہنا ہے کہ فیصل آباد ہائی کورٹ بینچ کا مطالبہ حق پر مبنی ہے۔

گورنر پنجاب نے فیصل آباد میں ڈسٹرکٹ بار کے ممبران سے خطاب کرتے ہوئے کہا کہ افتخار چوہدری کی بحالی کے لیے وکلاء تحریک میں شامل تھا، لیکن افتخار چوہدری اپنی بحالی کے بعد وکلاء اور ہم سے بھی ہاتھ کر گئے تھے۔

ان کا کہنا ہے کہ ہم اورآپ آئین کی بحالی کے لیے نکلے تھے، سب جانتے ہیں آئین سپریم ہے، اسی پر عمل ہونا چاہیے۔

سپریم کورٹ کے منع کرنے کے باوجود سندھ حکومت کے پرائیویٹ وکلاء کی خدمات لینے کا انکشاف

سندھ حکومت کی جانب سے پرائیویٹ وکلاء کو خدمات کی مد میں 44 ملین روپے سے زائد کی ادائیگی کا انکشاف ہوا ہے۔

سردار سلیم حیدر کا کہنا ہے کہ اٹک میں روزانہ کی بنیادوں پر مقدمات ہوئے، پھر پتہ چلا تاریخوں کا سامنا کرنا کتنا مشکل ہے۔

ان کا یہ بھی کہنا ہے کہ ہر غریب آدمی کے لیے گورنر ہاؤس کے راستے کھلے ہیں، عوام جن کے پاس کرایہ نہیں ان کو انصاف کے لیے لاہور جانا پڑتا ہے، مظلوم، مجبور اور غریبوں کی مدد کرنا پیپلز پارٹی کا منشور ہے۔