ٹرمپ وائٹ ہاؤس چھوڑنے کے بعد 7 بار پیوٹن سے رابطہ کر چکے، انکشاف

واشنگٹن( نیوز ڈیسک)واٹر گیٹ اسکینڈل کو منظرِ عام پر لانے میں اہم کردار ادا کرنے والے سینئر امریکی صحافی باب وڈورڈ نے نئی کتاب میں انکشاف کیا ہے کہ سابق امریکی صدر ڈونلڈ ٹرمپ مسلسل روسی صدر ولادیمیر پیوٹن کے ساتھ رابطے میں ہیں۔باب وڈورڈ کی نئی کتاب ’وار‘ میں یہ دعویٰ کیا گیا ہے کہ جنوری 2021ء میں وائٹ ہاؤس چھوڑنے کے بعد سے ڈونلڈ ٹرمپ نے روسی صدر ولادیمیر پیوٹن کو کم از کم 7فون کالز کی ہیں۔ امریکی صحافی نے یہ دعویٰ بھی کیا ہے کہ ان 7 فون کالز میں سے ایک فون کال رواں سال کے آغاز میں کی گئی تھی باب وڈورڈ نے ڈونلڈ ٹرمپ اور ولادیمیر پیوٹن کے درمیان رابطے کے بارے میں اپنی کتاب میں بتایا ہے کہ ڈونلڈ ٹرمپ نے ولادیمیر پیوٹن سے رابطہ کرنے کیلئے اپنے ایک معاون سے مدد لی۔اس حوالے سے ڈونلڈ ٹرمپ کے کمیونیکیشن ڈائریکٹر اسٹیون چیونگ کا کہنا ہے کہ باب وڈورڈ کی کتاب میں کیے گئے دعوؤں میں کوئی صداقت نہیں، یہ سب محض افسانوی کہانیاں ہیں۔