بابر اعظم کو انگلینڈ کیخلاف دوسرے ٹیسٹ میں آرام دینے کی تجویز

سلیکٹرز نے فارم میں نہ ہونے کی وجہ سے بابر اعظم کو آرام دینے کی تجویز دے دی۔

ٹیسٹ میچوں کی گزشتہ 18 اننگز میں بابر اعظم ایک ففٹی بھی نہیں بنا سکے ہیں۔ انہوں نے دسمبر 2022ء کے بعد سے کوئی بڑی اننگز نہیں کھیلی ہے۔

انگلینڈ کے خلاف دوسرے ٹیسٹ کے لیے پاکستان اسکواڈ میں کئی تبدیلیاں متوقع ہیں۔

ٹیم میں متوقع تبدیلیوں پر چیئرمین کو بریفنگ

چیئرمین پی سی بی محسن نقوی کی زیرِ صدارت پی بی سی کی سلیکشن کمیٹی اور مینٹورز کا اجلاس ہوا ہے۔

وکٹ کیپر سرفراز احمد کو اسکواڈ سے ریلیز کردیا گیا ہے جبکہ بابر اعظم کی جگہ کامران غلام اور ابرار احمد کی جگہ اسپنر مہران ممتاز کو ٹیم میں شامل کیے جانے کا امکان ہے۔

انگلینڈ کے خلاف دوسرے ٹیسٹ میچ کے لیے پاکستان ٹیم کا اعلان چیئرمین پی سی بی محسن نقوی کی حتمی منظوری سے ہوگا۔

واضح رہے کہ 3 ٹیسٹ میچز کی سیریز میں انگلینڈ کو ایک صفر کی برتری حاصل ہے۔