بھارتی وزیرِ خارجہ کی پاکستان آمد، آج کی مصروفیات سامنے آ گئیں

بھارتی وزیرِ خارجہ کی آج پاکستان پہنچنے کے بعد مصروفیات سامنے آ گئیں۔

بھارتی میڈیا کے مطابق بھارتی وزیرِ خارجہ جےایس شنکر شنگھائی تعاون تنظیم کے 23 ویں اجلاس میں شرکت کے لیے آج اسلام آباد پہنچیں گے۔

میڈیا رپورٹس کے مطابق اسلام آباد پہنچنے کے فوراً بعد جے شنکر وزیرِ اعظم پاکستان میاں شہباز شریف کی جانب سے دی جانے والی ضیافت میں شرکت کریں گے۔

شنگھائی تعاون تنظیم کا اجلاس، کب کیا ہو گا؟ شیڈول جاری

شنگھائی تعاون تنظیم کا 23 واں سربراہی اجلاس آج اسلام آباد میں شروع ہو رہا ہے، جس میں میزبان پاکستان سمیت 8 ممالک کے وزرائے اعظم اور دیگر اعلیٰ شخصیات شرکت کریں گی۔

بھارتی وزیرِ خارجہ جے شنکر اور پاکستانی ہم منصب اسحاق ڈار پہلے ہی ایس سی او سائیڈ لائن پر دو طرفہ بات چیت کا امکان رد کر چکے ہیں۔

بھارتی میڈیا کا اس حوالے سے کہنا ہے کہ جے شنکر کی پاکستان میں ایس سی او اجلاس میں شرکت کا فیصلہ شنگھائی تعاون تنظیم کے ساتھ بھارتی وابستگی کے اظہار کے طور پر دیکھا جا رہا ہے۔